Ինչն է ամենավտանգավորը արագ սննդի ռեստորաններում. 1in.am

Ինչն է ամենավտանգավորը արագ սննդի ռեստորաններում: Չինական  ռեստորանները սառույց են օգտագործում գազավորված ըմպելիքների համար, որը 19 անգամ ավելի շատ բակտերիա է պարունակում, քան խմելու ջրի թույլատրելի քանակը: Այս մասին հայտնում է Shanghai Daily-ն:

Փորձագետների խոսքով՝ սառույցի պատրաստման մեքենաների կեղտը, թույլ սննդային սանիտարական վիճակն ու ոչ բավարար մանրէազերծումը նպաստում են սառույցի մեջ բակտերիաների բարձր պարունակությանը:

Պեկինի համալսարանում դիետոլոգիայի պրոֆեսոր Դին Քեյի խոսքով՝ ջրի աղտոտվածության այդպիսի բարձր մակարդակները կարող են վտանգավոր հիվանդությունների առաջացման պատճառ դառնալ, ինչպիսին է դիզենտերիան:

ABC 4-ի գաղտնի հետազոտությունը ցույց է տվել, որ սառույցը չափազանց կեղտոտ է եղել: Նրանք պատահականության սկզբունքով մի քանի ռեստորան են ընտրել և յուրաքանչյուրից մի բաժակ սառույց վերցրել:

Առողջապահության դեպարտամենտի տվյալներով՝ դա կարող է վարակ առաջացնել և մահվան պոտենցիալ վտանգ ունի՝ հատկապես թույլ իմունային համակարգով մարդկանց դեպքում:

Հարցեր, պատասխաններ, մեկնաբանություններ